Mladinski

ВОВЕД НА РАЗВОЈ ПРЕКУ УЧЕСТВО НА ЗАЕДНИЦАТА

Развој преку учество на заедницата (РУЗ)[1] е процес на заедничка работа во заедниците за признавање и активно користење на ресурсите за развивање и имплементирање на развојни програми. Овој пристап е базиран на фактот дека членовите на заедницата се најголеми експерти за своите потреби и вештини кои ги поседуваат, што значи дека тие се способни да бидат најефективниот и најважниот водач на развојот.

РУЗ се базира на интензивна работа со заедниците за да се охрабри широко учество на членовите при планирањето и спроведувањето на активности во заедницата. Според нашто искуство овој пристап е силно средство за јакнeње на заедниците преку:

Ефективност во изнаоѓањето на локални решенија за локалните проблеми
Ефикасност преку развивање на чувството за сопственост на процесот
Оддржливост преку развој на општествениот капитал

Со применување на РУЗ пристапот НВОите се способни да ги оснажат заедниците за да се организираат заедно за општо добро- зголемувајќи ја заедничката посветеност за развој и градење доверба. Оваа зголемена доверба и посветеност води кон идни проекти базирани врз учесвто, како и кон подобрување на одржливоста на локалниот развој и локалните НВОи.

[1] Во литературата и практикувањето во Африка и Азија е исто така позаната како “Participatory Learning and Action» (PLA) or «Participatory Rural Appraisal» (PRA).